آه العنا بي طـال

السلام عليكم ورحمة الله وبركاته

اخواني وخواتي الاعضاء ..شحالكم ؟!!

اليوم يبتلكم قصه منقوله وارجو انا تنال اعجاب الجميع؟؟

اتركم مع البارت الاول ..

الجزء الاول .. بدايـــــــــــــة ..

عايلة بو حمد ..
بوحمد متزوج من أم حمـد .. وعندهم 6 عيــال ..

حمــد : عمرة 24 ويشتغل في الشرطــة .. ظهر من المدرسه مبجر .. ودخل الشرطــة .. انسان هادي وحبوب .. له هيبــة .. ورزة .. مايحب يأذي حد .. هذي صفاته .. اما مواصفاته : طويــل وضعيفوون .. عيونه بنيه على امه.. أسمــر .. وخشمــة طويــل .. ملتحــى بشكل حلــو .. ولحيــته كثيفــة .. بس حلو شكلها .. وله غمازة في ذقنــه ..

حصــوه: عمرها 21 تدرس في جامعــة الامارات .. هندسة كيميائيه .. والحين اخر سنه في الجامعه وعندها كورس تدريــب .. مخطووبه لولد خالهــا .. ( فيصــل ) .. حلــوة .. بشكــل فضيــع .. شعرهاا طويــل .. عيونها عسلياات .. بيضــه.. .. أمــا صفاتها .. هادئة وماتحب تتخالط مع اي حد .. لها وجود حلــو.. وفيصل يموت فيها وهي تموت فيه ..

مريووم : عمرها 19 تدرس في تقنيه بوظبي .. مخطوبــه لواحد من اهل ريل خالتهــا .. من الفجيــرة .. سمــرة شرات حمد .. خشمهــا طويــل .. واكثر وحده فيهم عيونها عسليــات ( ترا على ابوهم وارثين العيون العسليــة) .. وشعرهااا اسوود يلمع من سوااده.. جميــله وجمالها رقيق ..

التووم ( شموووه وشواقــه ) .. عمرهن 17 في الثانويه العامه شمووه علمي وشواقه ادبي ..
يتشاابهن لشكل فضيــع .. لانهم توام .. خشم سليل .. وعيون عسليات وشفايفهم ورديــه بدون شي .. وحياتهم كأنهــا مرسومه .. بس اللي يفرق بينهم .. أنــه شمووه محطيــة تقويم وتحت عينها حبه خال .. وشواقه مش محطيــة تقويم ..
وشعر شمووه اقصــر عن شعــر شوااقه ..
شموووه انسااانه اجتماعيه ولها حس عجيب ودلوعه يدها ويدتها وعنيده وفيها خقه اشوي .. (البطله)
شوااقه ماتحب تختلط مع اي حد وانسانه متواضعــه واايد وهي واايد مع اختهااا

فهــد : عمره 14 صف تاسع يدرس في المدرسه الورديــه.. انسان همه الدراســه مع انه واايد سولفجي ويحب يأذي النااس .. ودوومـــه هاي البنت حبتني وهالبنت رمستني وهالبنت قالت تبا تتعرف علي .. خقاااق ماينلام ..


خلصنــا من عايلــة بو حمد .. نروح لعايله بو فيصــل ..

بو فيصل متزوج من ام فيصل .. بوفيصل اخو ام حمد ..
فيصــل : عمره 25 يداوم في الجوازات المحليــه في بوظبي .. ويحب بنت عمته .. وان شاء الله عرسهم قريب ..
نورة : بعمر مريوم ومعاها بالتقنيــة وهم ربع واايد ... حبوبه وجميــلة ..
عبوود : بعمر شواقه وشمووه .. وااايد وااايد يحب شوااقه .. وطبعا هي تحبــه .. بس ينطر يخلص مدرسه ويدش التقنيه ويكلم اهله يخطبونها له ..
عبير : عمرهاا 10 سنواات بعدها تدرس ..

عايلــة بو سالم متزوج ام سالم اخت بو فيصل وام حمد ..
بوسالم انسان طيب وحنون وعنده شركه سيارات
سالم: عمره 30 متزوج من وحده من اهلهم وعنده ولد وبنتين .
فطيم : عمرها 24 متزوجه ولد عمها وعايشه في دبي وياااه وعندها بنتين
فارس: عمره 22 يموووووووووت في شي اسمــه شمووه .. انساان له هيبه .. ماتنرفض له كلمــة .. شبيه يده العوود .. عيونه ناعسات وشعره ناعم وطويل ..وخشمه كأنه سيف من سيوف السعوديه .. طويل وعريض.. يعني الجسم رياضي ..يدرس في جامعه بوظبي اخر سنه بزنس .. ( البطل)
شمسة : عمرها 17 بعمر شواقه وشمووه .. وهي علمي مع شمووه في الكلاس .. وحبوبه واايد وجميــله ..

بيت بو حمد الساعه 7 ونص الصبح ..

شمووه : شوااقه انتي دوومج كسووله يالله خلينا نخلص اريد اروح المدرسه لانه امون بتشرح لي درس قبل الامتحان
شواقه : انتي اييه لاتعصبين مالي خلق من فير الله . صبري علي خليني اتريق ..

فهــد يالس عندهم ولكنــه بعالم ثاني .. فيه رقاااد وماله خلق لحد ..

حمد : يالله نشينــا .. فهد .. فهــــــــــــــد ..

فهد : هاا .. اووف حمد تحريت صار شي ..

حمد وشموه وشواقه : ههههههههههههه

شمووه : ايــــه بوويه فهد نش نش الله يخليك الحين هاي ربيعتك اللي اسمها ديماا مادري منو تنطرك عند باب المدرسه ههههه

شوااقه : ههههههههههه لا شمووه هاي هاي الصوماليه اللي اسمها تسابيح والله فنتك اونها حليلها هيماانه فيه

فهــد : يطالعهم بنص عيـــن: شو تتمصخروون علي .. نشو عن ويهي قبل لا اشتكي عليكم في المركز

وهم يمشوون بيرحون للسيارة وحمد كان سابقهم يحر السيارة

شمووه : واي واي يمااا خفت لا الله يخليــك روح روح ارفع قضيه قووول خواتي يطنزن علي هههه وين عايشين نحن في اي عصر

شوااقه: ههههههههههه بسكم ايييه بطني عورني اونه شمووه تتخيلين القاضي واقف على راسنااا ههههههه ويقــول

شموووه : هههههههه شو يقول كملي ههههههههه
شواقه : اااخ بطني ههههههههه ماروم اكمل بطني يعورني هههههههه انزين يقووول رفعت القضيه على المتهمتين شمه وشوق لانهم اطنزو على اخوهم فهد هههههههههههههههه
شمووه : ماتخيل وااي وااي بننسجن بعدين ماراح تاخذين عبوود
شواقه صخت : احم خلاص بس سكتي حمد هني
حمد : انا ماعرف كيف لكم مزاج من الصبح فاجين حلوجكم وتضحكوون مع الوان شمووه هاي مالت الحديد اللي مركبته
شمووه : حمد لاتعيب عليه امبوونه مش عايبني
شوااقه: بدلي بدلي انا اريد احط تقويم
شمووه :شتبين فيه والله عواار راس

وكملــو سواالفهم اللي ماتخلص على فهود وعلى مادري منوو لين وصلو المدرسه






في المدرسه في الفسحـــه ..

شموس ويا شمو يالسين في الكفتيريا خطفت عليهم شواقه ويا ربيعتها دانه يلسو عندهم

همسه : دانه ربيعة شواقة وياها فالكلاس و تحبها واايد وحيدة امها وابوها .. طويله و حليوه عندها اخو واحد معرس وعايش في أمريكا ويا حرمته وعندهم بنت صغيره تجنن طالعة على أمها شقرا وبيضاا و عيونها زرق وتعتبر شوق اكثر من اختها ..

دااانوه : مرحباا بناااات
شموه : هلا وغلا داانوه وينج مالج شووفه
شموس : هي والله ابد مانشوفج وهااي شوااقه بعد ماتيب اخبارج ههه
شواق: ههه شو ااقول يعني عنهاا عايشه ما بلاها شي
داانوه : ماادري ماحب اظهر في الفسحه .. احب ايلس في الصف
شموه : هي ياحليلج شو الحين خلنا نكمل السالفه
شواقه: عن شوو ترمسوون
شموس : عن عرس حصوووه
شوااقه: الله اريد اكشخ بس متى نخلص من المدرسه ونتفيج لهالسوالفه
داااانوه : هههه ان شاء الله بنخلص

وانتهــى اليوم الدرااسي هذاا ..


ومرت الايام لين وصل يوم الجمعه .. وهو اليوم اللي يجتمعون فيه في بيت اليد ..

يالسين في الصاله العوده .. قووم بوحمد وبو سالم وبو فيصل
ويرمسوون عن الامتحانات اللي قربت ومابقى شي ولازم البنات يشدن حيلهن وعبود وياهم
لانه خلااص اخر سنه ومابقى شي .. راح الكثير ومابقى الا الجليل

بو حمد : والله يا عمي مادري بهن البنات وين يبن يدشن اي جامعه ..
اليد : هيه عااد لازم تيبن نسب ترفع الراس عسب ادشن الجامعه اللي تبنهاا ونسوي لكم عزيمه كبيرة
عبود : يدي وانا مش لازم ايب نسبه صح ههه
اليد: لا منو قال بعد انت .. ليش البنات احسن عنك
عبود : لا يدي شو احسن عني انا احسن هههه
الكل : ههههه
فيصل: عااد عبوود مستواااه معرووف
عبود: شو اسوي ماحب ادرس
نورة : اونـــه ماحب ادرس .. وكيف غيرك درسووو .. شو تبا البنات يغلبنك في النسب
شواقه: واضح من بيغلبناا هاي الدبه شمووس الدحيحه
شموس : صلي على النبي عن تحسديني بنت ادبي
عبود : اقوووووووول حدج انتي اييه تراني ادبي
شمووه : انت ايييه حدك لاتغلط على بنت علمي
حمد : قومو تنااقعوو بعد
عبود ماصدق خبر يبا ينش وفهد الرزة بعد نش يبا يوقف بصف عبود اونه يآزره
سالم : من صدق انتو يالله يلسووو اونــه يبغون يتظاربوون
شموه : واك واك هزبووهم هههههههه وين بتودي ويهك يدام شواقه
حمد : ليش يعني وين يودي ويهه من شواقه
شموس تبا ترقع السالفه وعبود مرتكب مش عارف شو يسوي وشمووه تضحك لانها ماتعرف كيف تحل المساله وشوااقه ميته خوف عن حمد يدري
شموس : لانه عبود قال لشواقه ماحد يروم يهزبني وهزبووه
حمد : هيه والله سخافه يهااال
شمووووووووووووووه نقزت له : منو اليهال .. حمد لاتنسى نحن اخر سنه والحين داشين على حياه يديده حياه جامعيه
فارس: كلنا دشينا هالحياه .. بس ماحد خق فينا شراتكم
شموه : نحن هب خقاقيــن لو تسمح يعني
فارس: وان ماسمحت
مريوم : والله فرااااااغــة بس حشرتوونا سكتوو
شمووه : واي عليج لاتسوون ازعااج مريم بتعصب ههه
شموس وشواقه : ههههههههه
سالم : وين ناوين ادشون بناات ؟
. شواقه : انا بسير ويا ربيعتيه جامعة زايد
شموه : انا افكر ادش الأمريكيه و طبعا شموس ويايه ..
فارس : شووو .؟؟ ماعندنا بناات يدرسن مع شباب
شموه : لا والله وليش نحن بنروح نلعب وياهم والا شوو
فارس: مافي يعني ماااافي .. وين تبين ماحد فينا درس في جامعه مختلط الحين انتي يايه تبين تدرسين هناك بعدين الشباب اللي في الجامعه عليهم حركات .. ولا بنت سلمت منهم
شموه : شو عكيفك انت تحكم ..انت ماشفت بعينك لاترمس


طبعا شموس ماتروم تقول شي دام اخوها تكلم

فارس نش من مكانه ومايحب انه شموه ترااادده بالرمسه لانه مايحب حد يقوله لا ولا مرة صارت الا هي لان مايروم يقولها شي .. القلب هااي

وحطوو العشا نشوو يتعشوون في غرفه الطعام ..
رن فون شموه ونشت برع ترمس عن الحشرة
وروحت في الحوش

شموه : هلا ريمووه اشحالج حبيبتي
ريمو: انا بخير وانتي شحالج شحال شموس والدبه شواقه
شموه : والله كلنا بخير وعافيه
ريمو: هاا وينج انتي لاتقولين بيت يدج
شمووه : هيه والله تعرفين اليوم اليمعه
ريموو: شمووه قلبي يدق يدق اخااف .. مابقى شي على الامتحانات غير اسبوعين
شمووه : عيل انا شو اقوول والله ماريد امسك الكتب ولا اريد اسوي شي مادري ليش
ريمووو: الله يوفقناا ياارب
شمووه : الله يوفق الجميع وان شاء الله تكون الامتحانات سهله . .

خالد : ريم .. ريــــــــــــمووه وينج
ريمو: اقول شموه بخليج اخووي خالد يبااني
شموه دق قلبها .. خالد اويـــه من زماان ماسمعت عنه شي : اوكي ريمو حبيبتي سلمي على امج وشدي حيلج
ريمو: ان شاء الله يالله في وداعه الله
شموه : مع السلاااامه

شمووه تفكر في خالد اللي يعجبهاا وااايد وتقول يالله من زمااان مب شايفتك ياخالد .. كيف صرت وشو اللي تغير فيك .. اممم مادري تفكر فيني نفس ما انا افكر فيك والا لااا
وتمشي بتروح للغرفه عند الاهل الا يظهر بويها فارس..

فارس: شمـه ليش برع
شمووه : اوووف كيفي ياني فوون وظهرت وانت ليش تسال
فارس وقلبه معصووور على اللي تسويه شموه فيه : حرام اسال اذا حراام والله حرم هالشي خلاص ماراح اسال
شموه كسر خاطرها : لا مش حراام بس انا معصبه ومالي مزاج وامتحاناتنا بعد اسبوعين وخايفين واايد
فارس : لاتحااتين شماااني وان بغيتي شي مش فاهمه درس والا غيره تعاالي وانا بفهمج والله انا في الخدمه لاجل عيونج .. وماشالله انتي ماينخاف عليج الخوف كله على عبود الدب
شمووه : ههههه عبوود شاطر بس مايدرس
فارس::هههه انزين يالله روحي داخل تعشي
شموه وحست انه لازم تساله.. ماتعرف ليش.. بس جي : ليش انت وين بتروح
فارس ستانس انها سالت يعني اهمها : اممم ماشي هني بروح عند ربيعي اخذ منه اوراقي
شموه : هيييه خلاص عيل رخصتك هههه الله ويااك
فارس ومستااانس من الخاطر : اونج الحين رخصتيني خلاص يالله تامرني بشي . ؟
شموه : سلامتك ..

وظهر فارس لبيت ربيعه وهوو مستااانس انه شموه بدت تسال وتحاتيه وين بيروح والا من وين ياي
شمووه ماتعرف ليش هالاهتمام بس مافكرت وايد وكملت طريجها للفله عسب تتعشاا

مرت الامتحاناااات .. ايااام مرعـبه للبنات شموس وشموه وشواقه .. وعبود حليله مافارق كتبه عسب يحقق حلم شواقه ويدش التقنيه ..
في غرفه شمووه وشواقه ..
شموه : شواااااااااقه بصيـح هالدرس كنت غايبه فيه شو اسوي ماعرف ادرسه وباجر الامتحان
شوااقه: انزين انتي بقالج واايد ؟
شموه : لا بقالي هالدرس بس واخلص كل شي
شواقه : دقي لشمووس وساليها جان مخلصه روحي عسب تفهمج
شمووه : اوكي
... ودقت لشمووس تشوفها اذا مخلصه عسب تقهمها .. وشموس كان باقي لها واايد فقالت تعالي فارس بيفهمج .. وشمووه ماعارضت لانه همها تفهم الدرس .. (فارس كان بعملي ويعرف للكيميا )

استاذنت من امها وابوها وقالت لحمد يوصلهااا وما رفض حمد بس قالها لا تتاخر عسب تنش من وقت باجر ..

بيت قوم بو سالم
ام سالم : هلا بنتي شماا حياج يمه قربي
شموه : تسلمين خالووو .. شحالج عساج طيبه
وسلمت على خالتها وريل خالتها وسالت عن شموس وعن فارس
ام سالم : والله شموس فوق وفارس عندها ينطروونج
شمووه / اوكي خالتي عن اذنج بروح لهم
ام سالم: الله ويااج حبيبتي والله يوفقكم ان شاء الله ويسهل علكيم امتحاناتكم يارب ياكريم
شموه : آمين

روحت شمووه فوووق لهم

فارس: شمووس والله مستاانس اني بشوفها وبدرسهاا اااه قلبي.. متى تحس بس متـــى ..

شمووس : فاارس بس اسكت حرام عليك هاي الجمله عدتها 20 الف مرة عسب احفظها وانت تقرقر فوق رااسي
شو ماحد حب غيرك
فارس: شمووس احبهاا انزين شو اسوي احبهااااااااااااااااااااا

شموس : ادري ياخوي والله ادري بس البنت عاادي عندهاا ياخي ماتحس بشي صوبك

دق دق دق

شموس تنش تفتح البااب
شموه : شموووووووس انقذيني اهئ اهئ
فارس/ احم احم
شموه تعتدل وتسكت يدام فارس : اشحالك فارس
فارس: هلا شماا توا نور البيت انا بخير انتي شحالج
شموه : الحمدلله بس هذا الكيميا متعبني
شمووس : الحين ممكن تظهرون برع في الصاله ادرسها لاني اريد ادرس فهموووو مش مخلصه
شمووه : بسم الله انزيييييين لاتعصبين ويا هالويه
فارس يطالع شمووه وهي تعصب حتى بعصبيتها دلع ويقول بخااطره ااااااه عليج يوم انج متعبتني ومتعبه قلبي

شمووه : فارس يالله
فارس: هيه يالله اوكي
يلس يشرح لها الي مش فاهمته ويوم هي اتي تحل المساءل اللي يعطيها تحلهن.. يسرح بجمالها وياخذه التفكير بعيييييد ..
شمووه تلعب بالقلم مش عارفه الحل
فاارس: شوو شماا ؟؟ حليهاا
شموه : انزيـن نحن قلنا في الوسط الحمضي نوزن الاوكسجين والهيدروجين وفي الوسط القاعدي شو نسوي ؟
فارس: نشوف عدد الهيدروجين ونضيف هيدروكسيد بعدد الهيدروجين وبعدين ندمجه مع الماي
شموه : هي صح ويت بحلهااا
ويلست تحل وفااارس غااارق باحلااامه ويتامل الويه الصاافي .. ويتامل عيونها وهي تغمضهن يوم ماتعرف شو الحل ويشووف حركاات شفايفها وهي تعض عليهن وهي تبا تتذكر الحل لكن مب في بالها .. وخذاااه التفكير فيهااا ويلس يقصد بخااطره .:
سبحان من سواك اخذت من كل شي اشويّه
وهالشي اللي جنني واكثر فيك حببني
عيونك غير باقي الناس احسها عيون قطريّه
ترا في شي بعيونك احسه دوم يجذبني
وخشمك سيف ما يرحم من سيوف السعوديّه
وانا يمك احاسب دوم اخافه بس يطعني
وحبة خال في وجهك تقول دانه كويتيّة
ومن يكسبله الدانه يعيش العمر متهني
وم البحرين حتى خذت حواجبك الهلاليّه
وشعرك موج اماراتي سبع مرات يغرقني
وطيبة قلبك انت غير ..نعم طيبة عمانيّة
يا اطيب قلب في الدنيا متى باحساس تاخذني
واذا سولفتلي كن السوالف هي عراقيّه
ولك يابا شردت مني تريد انت تعذبني؟
نعم ما كنك الا يالغلا وصفه خليجيّه
ويتم يتنهد اااااااه
شمو : فارس
فارس سرحان و يكمل القصيده
شمو : فارس خلصت المسألة شوفها صح ولا في شي غلط ؟
فارس انتبه ان شمه ترمسه : هاا .. هيه عطيني اشوف ..
ووصلو لللنقاط الاخيرة والحمدلله شما فهمت اللي شرحه لها فارس..

شموه :تسلم ولد خالتي ماقصرت لووولااك مادري شو كنت بسووي
فارس: ولو نحن حاظرين للطيبين
شمووه : تعرف فارس تصلح تصير استاذ تعرف تشرح هههههههههههه
فارس: لا بعيد الشر عني انا ماعرف اشرح بس لج انتي لوتبين اشرح لج كل المواد انا حاظر
شمووه ويهها قفط وماعرفت شو ترد عليه : احم تسلم
فارس ميت على خجلهااا : الله يسلمج .. ها شمووه حد بيوصلج والا اوصلج انا وشموس
شموه : لا حمد بييني الحين
فارس: يالله عيل ننزل تحت ننطر حمد ايي ياخذج
شموه : يالله سرينااا
وراحت شمــا البيــت وفارس بعده متعلق بامل بانه شماا تحبه ..

في بيت بوفيصل
ام فيصل : يمااه بس لاتحااتي الله مابيضيع تعبك ياولدي
عبوود : امي والله بخاااطري ايب نسبه دعوااتج اميي الله يخليج
ام فيصل : ان شاء الله ياولدي ان شاء الله اتيب نسبه ياارب..

وهذا اخر يوم والكل خايف ومايعرف كم بيجمع وكم راح ياخذ ..

مرت الايااام بسرعــــه.. لين ياا اليوم اللي تظهر فيه النتااايج ..
شمووه يابت 88.3% .. وشواقه يابت 81.6% وشمووس ماشالله عليها معروفه الدحييحه يابت 96.3% اماا عبوود ماشالله هذا اللي قدر عليه وياب 78.9%

وطبعــا اليد قرر انه يسوي لهم عزيمـــة .. وطبعا الكل فرحاان .. عبود مستانس انه بيدش التقنيه .. شموه وشواقه وشموس ودانه بيدشوون جامعه زاايد .. لانه مارضو الاهل بانهم يدشوون الجامعه الامريكيه لانها مختلط ..

فارس كاان مستااانس من الخااطر على اخته وعلى حبيبه قلبــه .. حب يبارك لها بس مب عارف كيف ...

بيت ام سالم

ام سالم: يماا سالم لاتنسووون يوم اليمعه ان شاءالله
سالم: ان شاء الله يمااا فالج طيب ..
ام سالم : فالك مايخيب ياوليدي .. وخبر اهل حرمتك يحظرون العزيمه ..
سالم: ان شاء الله اماايه

وهذااا .. الجزء الثاني ..

في بيت بو سالم .

شمووس: لا لا فارس غلط مو جذي التركيبه
فارس: هييييه جي انتي شو عرفج ؟
شموووه : والله فارس غيره بسرعه والا بتفووز عليك شواقه والله مب جي التركيبه
فارس: خلاص دام شماني قالت مب ذي التركيبه بغيرهاا
شواقه: شمووه اختي انتي مش اخته شحقى تساعدينه وماتساعديني ..
(كانو شواقه وشمووه وشمووس مع فارس يلعبون play sation والدور بين شواقه وفارس) ..
فارس اليوم اول يوم من اجازته والبنات مأجزات .. وباقي نواري ومريوم وحصووه ..

آه العنــا بي طالــي شايل هموم كبأأأر .. أسهر وحيد لحالي .. (رنه فون فارس)
فارس: اووه هذا فهوود
شمووه : اويــه نسيت اقووله الحين بيعصب علي
فارس: يروم وانا موجود .. ويرد على فهود : هلااااا فهد
فهوود: اهلين فروووس شحالك ياريال
فارس: بخير ربي يعافيك ومن صوبك يا صبي
فهوود: شووو صبي انت بعد ..صرت ريال الحين ..
فارس: هههههههههه خلاص شحالك ياريال
فهود: مابصير بخير الا يوم انتقم من التوومي
فارس يطالع التوومي (شواقه وشمووه ) : حراام عليك التوومي ماسوو شي ليش تنتقم
شمووه وشواقه : ههه حرااام عليك فهووود والله نسينا
فهود: لا مااشي قولهم ماافي سكي دبي باااجر هن وشموس .. وبخبر عبود انه خلاص ماراح نروح
فارس: اوووه تخطيطات من ورانا ..سكي دبي والبنات معاك انت وعبود
شمووه : امممم فكرتي
فارس يطالعها وبخاطره يغيض فيها : يقولج فهوود باجر مافي روحه ..
شمووس وشواقه وشمووه : لااااااا نبا نروح
شمووه : هب عكيفه ولا عكيفك نحن مخبرين الوالد وعمي وخالي وراضين ويدي حتى راضي ..
فارس: بس انا هب راضي .
شمووه : وانت منوووو ؟
فااارس حده وصل من هالرمسه ..وين تبا تقول له انت منووو : انا ولد خالتج واظني اختي ويااج يا انسه شما المحترمه
شمووه : ايييه انت حدك انا محترمه وغصبا عليك ..
فارس ومعصب على الاخير : انتي تقولين لي غصبااا عنك .. وين نحن يوم انه يرفضوون رمسه فارس ويعصوونها ويطولون لسانهم عليه

شمووس : هدووه ياجماعه الخير
(فهود من الطرف الثاني مسكر ويقول احسن تستاهل شموه ماحد قالها ماتخبرني )
شوااقه: بلااكم فارس شو ياك شموووه عيني من الله خير ..
فارس: سمعي هااي شو تقول انا فارس وشكلها ماتعرف منو فارس
شمووه : ومنووو يعني .. فارس على قوم بيتك مش عليناا وانا ماقلت شي غلط فاهم والا لااا .. كلمتك بتمشيها على اختك شموس مش علينا عندنا اخوان ويعرفون شو نسوي .. شوواقه نشي نروح البيت مالنا يلسه هني دام هذا موجود ..
فارس: قلعه تقلعج .. البيت يوسع جمل
شمووه وصلت حدهاا وليش جي يقولها وهي شمه بنت ابوها ويت ظهرت بدوون ماتقول لشواقه يالله نشي .


شوواقه : بلحقها اخااف عليها هاي مينونه
وتنش شواقه ورا اختها
شمووه تصيح وتقول بخاطرها انا يهزبني هذا .. والله ياويله مني .. منو يحسب نفسه .. بس ابتسمت له هالكم يوم تحسب عمره شي يعني
وتمشي لدريول قوم خالتهااا : عبدالسلام خذني البيت
عبدالسلام : شماا شو في انتااا ؟ ليش يبكي
شموه : اهئ اهئ اهئ مافيني شي يالله عبدالسلام خذني
عبدالسلام: ان شاء الله شماا بس انت لايسوي عصبيه زياده .. وين شووق ؟ مافي يروح مع انتي
شموه اوويه نسيتهاا .. برايها بيوصلها هذا ااكريه

تمشي شموه ورا عبدالسلام صوب السيارة والا تسمع بصووت شواقه يناديها
شواقه تعبانه من الركيض: شمووه شفيج ازقرج ما تردين .. شو نسيتيني ؟
شموه : سوري فديتج بس هالكريه نسااني حتى اسمي .. امشي نركب السيارة

وفي السيارة ..

شواقه : ترا مايصير اللي انتي تسوينه .. امم واايد تعاندين فارس وغلط هالشي
شموه: ما عاندته ولا شي هوو سخيف ويحب يمشي كلمته علينا وهو ماله حق علينا .
شواقه : شلون حبيبتي ماله حق وهو ولد خالتناا
شموه : بس اخواني موجودين حمد وفهد وهو ماله دخل فينا عنده خواته لا يدخل فيناا
شواقه : بس هو من حقه يدخل فينا لانه نحن بنااات خالته ونحن عرضه وشرفه وجزء من حياته
شموه: ماااا تعيبني تصرفااته خقاااااااااااااااااق اووف
شواقه: انتي مسكته بالتواضع .. انتي بعد خقاقه ورفعه خشمج شرات رفعة خشمه
شموه: الله يعاافيج سكتي لاتشبهينه فيني

وصلوو البنات البيت وراحن يلسن مع امهن لين مايون باقي البيت ويتغدون ..


في بيت بو سالم
فارس يرمس اخته شمووس : شمووس انا بروحي ضايج الله يخليج سكتي
شموس : وانت لين متى بتم بهالشكل مع شمووه .. فارس انت تقول تحبها وتباها تحبك كيف بتحبك وانت تمشي كلمتك عليها سواء عيبتها والا ماعيبتها

فارس: انا حر فيها حبيبتي وبتصير من نصيبي . كيفي اسوي اللي اريده انا حر
شموس : غلط هالتفكير ... لاتتحراني واقفه في صف شمااني . لااا حتى شماني غلطانه في انها ترااددك بس بعد انت خف عليهااا
فارس: شمووس فكيني من الصدعه وظهري برع الغرفه بسرعه
شموس : انا بظهر بس فكر عدل .. عن تخسرهاا تراا شمااني تميل للشخص اللي سلووبه حلو وراقي واللي مايقول لها اووف والا لاا
فارس: مشكلتها يالله ظهري وصكي الباب وراج

تظهر شموس من الغرفه نازله تحت ترمس شمااني في الفون وتتاسف لها عن فارس..
شموه : وليش اخوج مايتاسف
شموس : انتي هبله اخووي يتاسف ههه لا عيل مش فرووس اللي نعرفه
شمووه: اخوج خقاق على الفاااضي
شموس : ماشالله عليج .. شماني مهما صار انا مارضى تحطين على اخوي صح اخوي غلط وانتي بعد غلطتي
انتو لين متى بتموون جي كل واحد عكس الثاني. مع انج انتي تعرفين مشاعره اتجاهج لكن انتي مايبين منج شي .. اخوي شو فيه عسب ينعااب مافيه شي وكامل والكمال لله ..
شموه: انتي ليش ماتفهميني مايميل قلبي له شو اسوي يعني اقول لقلبي غضب اريد احب فااارس مايصير
شموس : اووف صدعتينا انتي من صوب وهو من صووب ياخي برايكم تراضيتو والا تزاعلتوو انا شو لي ..
شمووه: ههه فديتج احلى شي فيج انج مادخلين عصج في شي مايخصج هههههههه
شموس : اسميج وقحه ههه مو مشكله اراويج انا .. الحين متى بنروح السكي ؟
شموه : باااجر
شموس : شموه عن العناااد باجر فارس بيكون موجود مافيناا اخاف مايرضى وانا اريد اروح وياكم
شموه: باجر يعني بااجر وبرايه انا الحين بتصل لابوج ولو تبين لسالم وهوو طااف
شموس : والله انتي لازم ادخليني بمشاكل كيفج وان ماطاع ياويلج
شموه : يصير خير يالله بسكر بروح اشوف شو بلبس باجر حق السكييي هههه سلكي على اخوج
شموس : والله لاخبره بقوله شماني تسلم عليك
شموه : لا تستعبطين والله ياويلج لاتخبرينه
شموس : ليش تقولين سلمي كيفي انا بسلم الحين عااد
شموه : انتي واخوج نذلين باااااااااااي
شموس : هههه باي ياحرمة النذل
وترقع السماعه شمووه من الغيظ .. وتروح فوق تشوف شواقه شو بيلبسون باجر في روحه سكي دبي

في بيت بو فيصل عالساعه 5 ونص . نواري توها ناشه من رقادها من بعد مايت مع التقنيه
نواري: مساء الخير عبوود ..
عبود : مساء النور حبوبه
نواري: شحالك حبيبي
عبود : بخير وعافيه وانتي وينج مالج حس في البيت هههه كل هاا لانج منزعجه نحن خلصناو انتو بعدكم
نواري : ههه ويا ويهك لا مش منزعجه بس تعرف اخر الايام وعندنا شغل
عبود : هييييييييييه خيتووو انزين باجر نحن بنروح سكي دبي بتين
نوارري : امارات موول اممم هي اريد ايي برمس مريوم بعد اتيي وبنخلي فيصل وحصوو ايوون عشان مرة وحده نكمل اللي ناقصنا للعرس.
عبود : هي ترا البنات بين كلهم شموه وشموس وشواقه وفهود
نواري: خلااص تم متى بتظهرون
عبود : عيل جي بنرمس فيصل بنظهر في سيارته وبنرمس فارس بعد بنظهر في سيارته .. يعني قبل قلنا بنروح مع الدريول
نواري: وحمد ؟؟
عبوود : حمد باجر بيحجزونه عنده دورة في المنامه في الشارجه
نواري وقلبها تعور عليه : حليله دوومه يحجزوونه .. يالله خير الله يوفقه يارب
عبود : الجميع برايج عيل انا بروح اكلم فهود اخبره اخر التفاصيل وبكلم فيصل عسب يكلم فارس
نواري: اووكي الله وياك

يروح عبود يكلم فهود ويقوله التطورات وفهود وافق عليهن وماخبر البنات .. بعدين عبود راح رمس فيصل وقاله فيصل عاادي ماعنده مشكله دام خطيبته وياهم وكلم فارس واكيد فارس وافق عسب يسوي حركه نذاله في حبيبته شمووه

عاليوم الثاني بعد ماردوو مريامي ونواري وحصووه من الدوام ..

تجهزن البنات شواقه وشموه ( لبسن كويتي .. بانطلون ازرق مع بدله زرقه وتحتها بدي ابيض منقش بالازرق ولبسو عباتهم المسكره فيها شي بسيط صوب الايدين بس روعــة وذوق وفي الشيله.. وطبعا حطو جحال وغلوش وماسكراا ) أمــا مريامي .. ( بما انها ماراح تلعب بتتمشى مع حصوه ونواري وفيصل فقررت تلبس تنورة بيج فيها وروود بنيه على الاطراف بشكل روعــة .. وبدي لونه بيج فيه حزام بالنص صوب الخصر بلون بني وفيه سوالف حلوة .. ونفس الشي محطيه جحال وغلوس وماسكرا ) نواري قالت بتطقم مع مرياامي في اللبس .. وشموس بتطقم مع شواقه وشمووه في اللبس.. وحصووه لبست تنورة حرير ابيض واسود وبدي اسود فيه دانتيلات من فوق بشكل مرتب وطبعا بما انه حصووه تتغشى فحطت ميكاب خفيف ..
الشباب كلهم اتفقوو يطقمون كندورة بيضا مع سفرة بيضه ..

في الصاله قوم بو حمد ( مريامي وشموه وشواقه وفهود وحصوه ) بنطرون الباقي ..

دخل فيصل في سيارته البورش مركب وياه نواري ويدام عبود اخووه
وفارس في سيارته الرنج مركب وياه شموس اخته
شمووه اول ماشافت فارس عصبت وقالت هذا شو يايبه وقررت انها ماتروح بس على اخر لحظه قالت بروح وماعلي منه .. فارس شاف الشرار يظهر من عيون شمووه ويلس يضحك من داخله وعرف انها ماتباه يروح وياهم .. وفي نفس الوقت يتفدا هالجمال .. ويقووله غربلاات عدوج انتي بدون شي حلوة وهالمرة مزوده خربطيشناتج ومحلوة اكثر اووف عليج يوم انج مخبلتني

وماننسى عبير اللي عمرها 10 سنوات راحت النادي مع ربيعاتها تلعب لانه ماتحب تروح وياهم ..

توزعوو بهالترتيب في السيايير ..

سيارة فيصل : عداله عبود اخووه .. مع انه فيصل قال له انزل عشان حصوه تركب ( يصير تركب عداله لانهم مالجين) بس عبود ماطاع وحصوو عادي عندها .. ورا حصوه وشموه ونواري .. وفي سياره فارس يدام فهود وورا شموس وشواقه ومرياامي ..

فارس يتحرطم مع عمره ليش شمووه ماركبت وياه وشموس اللي ملاحظه عليه هالشي ..

توكلو على ربهم وفي طريجهم لدبي امارات مول ..

في بيت بوسالم :
سالم : ها حبيبتي شو التجهيزات لعرس حصووه والا بعدج
حرمت سالم اسمها فاطمة: لا والله سالم خلصت بس بقالي الاكسسوارات وخلاص اخلص
سالم : والله حرمتي قدها وقدود البنات للحين مب مسويات شي ههه
فاطمه: هههه باردات .. انا خلصت لانه بعد بروح افصل لعرس اخووي عسب جي مابغيت اشغل نفسي بشيين مع بعض اخلص من عرس حصوو وبعدين ابدي في عرس اخووي
سالم: صدقتيي جي ارتب
فاطمــة: هيه والله .. هاا سلووم حبيبي شو اليوم مب ظاهرين ؟؟
سالم : اممم فااطمه اليوم تعباان بنيلس في البيت
فاطمة: خلاص حياتي ماعندي أي مشكله المهم راحتك ..
سالم: اصيله .. تسلمين .. يالله نروح عند الوالده برع
فاطمة: يالله سررينااا ..

وصلو الشباب والبنات لامارات موول

حصووه وفيصل راحو بروحهم ياخذون راحتهم ..
نواري ومرياامي بروحهم يتشرون ويشووفون الفساتين المعروضه يمكن يعيبهم موديل لعرس حصووه لانهم مش مفصلين
شماني حلفت ان يا معاهم فارس ماراح ترووح معاهم الاسكي وفارس قال بيروح فقررت انها ماتروح وياهم وتمت برع تتصل في مريامي ونواري لكن فونها كان اقوى عنها وسكر لانه مافيه جرج ..

وطبعا عبود وفهود وشموس وشواقه وفارس دخلو الاسكي ..

شموه : اووف شو هااي المشكله الحين شو اسوي .. وين اروح ادور عليهم اخاف اضيع الموول واايد كبير..
ويلست شمووه على الكراسي الموجوده .. برع ..
وتمت تحااول في فونها لكن لاحياه لمن تنادي ..

شمووه والدمعه في عينها . اهئ اهئ شوو ها شو هالعيشه اووف ..
والا 2 من وراها
الاول : مرحباا بالشيووخ .. جنهم الا شيووخ غااوين شوف شوف والله انهم جماال
الثاني : صدقت والله عمري ماشفت حد بهالشكل من الجماال سبحان الله
شمووه وهي تتلفت يمكن تشوف حد من اهلها وميته رعبه من هييل الشباب من اشكالهم تخووف
الا بواااحد أي من ورا ويمسك الشباب : انتو ماعندهم بناات يايين تتحرشون في خلق الله
الاول من الشباب : وانت منو يا حظي ؟
فارس: انا ولد خالتهاا خير عندك شي ..

شمووه من خوفها نست انها زعلانه من فارس وتروح صووبه وتندس ورا ظهره
الثااني : اسمح لنا الشيخ واكيد شرده من فارس. كاان بخاطره يلحق وراهم يعلمهم الادب لكن حس بايد توقفه الا هي ايد شمااني ..
فارس: يطالع ايدهاا جاان تفجها بس هو ماكان قصده تفجها كان قصده من هالنظرة الاستغراب..
شمااني : خلهم عندك هييل حثاله
فارس: يصد عنها الصوب الثاني اونه زعلااان : انتي ليش ماروحتي مع البنات ؟
شمااني : ونفسها عزيزة ماترضى بانه نفسها تنهاان : فوني سكر مافي جرج وماعرف شو اسوي..
فارس : انا نفس الحاله فوني سكر مافي جرج
شمااني تتسال ليش ظهر من الاسكي : فارس ليش ظهرت
فارس امم اقوول لها والا لاا: اممم ماطاوعني قلبي اخليج بروحج برع .. ومشى عنها وهو يعرف انها بتلحقه
شمااني شو قصده هاا اووف ماحب الالغااز : اممم اصبر وراحت ورااه
فارس خفف مشيته لين وصلت له : وين تبين تروحين
شماني : مادري أي مكاان اممم يوعاانه
فارس: اوديج تاكلين
شماني : ياليــت ..

وخذاها فارس وين ماكدونالدز تطلب لها وجبه وهو بعد طلب معاها
ويلسو على هالكراسي عسب ياكلون ..
شمااني احس شكلي غلط ويااه . اممم انا وايد معقده الاموور ليش ازعل منه بتأسف .. امم والا لاا نفسي ماتسمح لي اني اتاسف له لو انا الغلطااانه ..خلاص مش لازم اتاسف من حركاتي بيعرف انه عادي عندي .
فارس هااي بلاها جي ماترمس اووف بتذبحني .. حسي ياشمووه حسي احبج احبج
وكملوو اكــل .. خلص فارس قبل شمووه وتم يطالعهاا
وشمووه غارقه في الاكل .. ترفع عينها تشوفه يطالعهاا اممم ماعرفت شو تسوي او شو رده فعلهاا تكون سيده نزلت عينها وبين الخجل على خدودها اللي احمرن من المستحى .. لانه نظراته كاانت واايد خياليه
فارس: هههههه
شمووه تتسال ليش يضحك .. : احم شو فيك ؟
فارس: لا شمااني ولا شي كملي اكلج والا تستحين حتى من اكلج
شمااني شو قصده هذا : امم ان شاء الله بكمل اكلي .. وتمت ساكته وهو بنفس الوقت ساكت ومافي بينهم غير نظراات حلوة

شمااني في خاطرها ليش حبيتني انا يافارس ليش ؟؟ وليش انا ماحس بشي صوبك اووف
فارس بخاطره اااه يا عيووني شماااني لو تدرين كم احبج ليش ماتحسين ليش ؟ شو فيني ناقص عسب ماكون فارس احلامج

فيصل : فاااارس شمووه انتو هني
فاارس: ههههههه ياريال انا وهي علقناا .. اثنيناتنا هوناا مابغينا نروح الاسكي ويوم نظهر الا فوناتنا تكسر مافيهن جرج وماعرفنا شو نسوي يبتها تاكل حليلها ميته يووع
شمووه : هههه
فيصل : هههه زين سويت فيها مسكينه هههه ها شمووه شبعتي
شموه : هي شبعت الحمدلله هههه امم بيي وياكم اتشراا لعزيمتناا
فيصل : اووكي اختج خلصت لعزيمتكم وبعد خذت اغراض لعرسهاا
حصووه : شمووه انتو متى بتروحون تفصلوون مابقى شي
شموه: بنروح ان شاء الله باااجر بنخلص انتي لاتحاتين حبيبتي
فارس: ايي وياكم والا ماتبوني
شماا : لا شو مانباااك حيااك
وحست انها تسرعت بالرمسه فستحت ..
فارس ستاانس وقال : مادري عنهم شمااني هييل جنهم مايبوني يبون ياخذون راحتهم
فيصل: ههههه يا ريال تعال تعال وانت شو لك فينا انا وحصووه بنمشي مع بعض وانت وشمااني ورانا يعني ماراح نفترق عن بعض
شمااني تقول في خاطرها لاا ماريد اوووف
فارس ياااحي والله يوم بمشي مع الملااك

روحت شمااني ودقوو عليهم قوم فهود وعبود وشموس وشواقه وراحو صوبهم وتشرو البنات ولعزيمتهم اللي راح تكون يوم الجمعه وطبعاا راح يطقمن البنات في لبسهن .. اممم شروو بدله واايد روعــة على شكل فستتان..
لونها احمر وابيض .. ومااننسى مريامي ونواري شرو لهم بعد وشروو لعبير اللي في البيت مايت وياهم ..

ردوو البيت والكل فرحاان من الروحه .. وهالمرة غيروو الاماكن في السيارات مرياامي راحت بدل شمووه عند حصوه ونواري وعبود وفيصل .. وشموه راحت مكان مريامي عند شواقه وشموس وفهود وفارس .. طبعا هالشي فرح فاارس وااايد وشموس بعد وحست انهم تراضوو ..

مرت الاياام لين ياا يوم العزيمــة .. عزيمه شموس وشموه وشواقه وعبود في بيت اليد ..
الكل تيمع من بعد صلاه الظهر والكل مستاانس من الاهل والقرايب والجيران والربع ..
طبعاا البناات كانو كاشخااات كشخه مابعدها كشخه وعبوود من قده الوحيد من الشباب ماحد ينافسه ..
ماقصرن الحرمات ولا الريااييل في الهداايا ..
في المطبخ ام حمد مطرشه شموه تزقر البشكاره .. وفي نفس الوقت كان فارس رايح يشوف شو صار على الجاي من بعد الغدا ..
فارس: احم احم
شمووه تعدل شيلتها : هلا فاارس..
فارس: مرحبا بج .. اممم صحيح اني ماباركت لج والسموحه بس الحين ابارك لج .. مبروك عالتخرج .. وعقبال تخرج الجامعه ..
شمووه: اممم تسلم ومسمووح والله يبارك فيك وانت بعد مبروح اخر سنه لك في الجامعه .. وتفتك
فارس: ههه هي والله افتك .. امم شو تسوين هني في المطبخ .. لا لا ماصدق شما في المطبخ حراام كشختج بتخترب ..
شمووه تقول في خاطرها بدييييييناا : احم فاارس اليوم عزيمتي لاتخليني اعصب واتنرفز منك
فارس: هههههه لا خلاص لا تعصبين ولا تنرفزين يالله بااي انا بظهر ..
شموه : الله وياااك
ظهر فارس وبعدين رد وقف وصد صوب المطبخ يطالع شماا وهي تمشي وترمس البشكارة ويقووول سبحان الله وماخلق .. جمااال .. الله يخليها لاهلها ولي يارب..
خلصت العزيمه والكل تعبااانه ومرهق .. كل حد اتجه لبيته عسب يرتاااح من بعد هالعزيمه الحلوة ..

بدت الاجازة الصيفيه عند الكبار حتــى .. الكل خلص من الجامعه و التقنيه وحصوه خلصت من كورس التدريب .. وترا حصووه وفارس خريجين وهاي كانت لهم اخر سنه ..
فارس راح يشتغل في شركــه ابووه اما حصووه قالت ماراح تقدم اوراقها الا بعد ماتمر فترة من على عرسها ..

تجهزن البنات للعرس وكل يوم رايحات دبي والشارجه ليتشرن لكن الفساتين اكيد فصلنهاا من بوظبي
وهذي روحاتهم بروفات ووتعديلات في الصالون اللي تصبغ واللي تنظيف بشره وغيرها من سوالف البنات

تحدد العرس بيوم 5_6 واليوم هو يوم 4_6 .. والكــل شاد حيــله للعرس.. طبعا العرس راح يكون في قاعه روتانا اللي حذال بوظبي مول ..

في بيت بوفيصل الساعه 1 ونص الظهر
نواري: فيصلوو لاتعصب علي ترا اخبر حصوه عليك انك شرير
فيصلوو : خبريها خلااص ماراح تشرد عني بااجر العرس
نواري: اسميك متكتك .. ههه اونــك الحين صرت معرس
فيصلو : من وقعت حصووه صارت حرمتي وصرت معرس ههه ويا ويهج انتي ليش غبيه صح صح للحين ماجربتي
نوااري هيه بعدني ماجربت لاني انطره هو يقرر وهو شكله ماراح يتحرك ليش ياحمد شو ماتحس بشعوري صوبك : ان شاء الله خير شكلي بعيز وماحد بيي لي هههه
فيصل: بسم الله عليج ليش جي تقولين .. الف من يتمنااج ياختي
نواري: ههه يصير خيــر ترااا
فبصل: هيه والله يصير خيــر .. يالله انا بروح بيت عمتي اشوف شو اللي ناقصهم من اغراض
نوااري : هههههههه الف مرة قالو لك مب ناقصهم شي انت الا تبا تروح تشوف حصووه .. ياويه استح باجر العرس والبنت ماتبا تشوفك الحين افهم
فيصل: هههههه شو اسوي مشتاق لهاا الله يغربل عدووها لها وحشه
نواري: خذني وياك بروح اتحنى عندهم في البيت
فيصل: اوكي يالله روحي لبسي عباتج
نواري: اوكي دقايق

راحت نواري تلبس عباتها عسب تروح بيت عمتها تتحنى مع البنات حصوه وشماني وشواقه ومريامي وشموس راح اتيي بعد عندهم تتحنــى

في بيت بو حمد
حمد : الله حلوة ريحه الحنــا ااااح
مرياامي : فج عني ياريال خل الحرمة تحني عدل حرام عليك

حمد يالس عند خواته في الصاله وهن يتحنن عوووقه ريحه الحنــا وحصووه لها حنايه خاصه تحنيها وفي حنايتين يحنن البنات .. مريامي بدت فيها وحده .. وشماني بدت فيها الثانيه ..

حمد : تصدقيــن انا يوم اعرس بخلي حرمتي دووم تتحنــى بس عسب اشم ايديها
مريامي : يالله عرس وفكنــا ههههه نبا نشوف عيالك .
شواقه: جيي مرياامي عيزتي ونحن ماندري ههه
الكل : هههههه
شمووه : وااي عليج شو حياتج تروحين الفجيرة
مريامي : والله بيت ريلي شو اسوي اقوله غصب عيشني ببوظبي
شماني : انا لو شو ماصار ماظهر من بوظبي وايلس مكاان غيرهاا مايصير مايليق لي هههه
شواقه: صح بعدين انا ماروم على فراقج ياحبيبتي
شموه : اااه لاتعذبيني لازم نلاقي واحد عنده تووم شراتنا نحن عسب انا اخذ واحد وانتي الثاني
حمد : ههههههه اسميكم ماتستحن انتن الثنتين ترمسن عن العرس وانا موجود .. اشوفكن فصختن الحيااا
حصووه: ياحمد الحين البنات غير عن اول يستحن من طروو العرس .. الحين عادي وياخذون ويعطون معااك
حمد : صدقج حصووه والا هالتوومي مرة فاصخين الحياا
شموه وشواقه: شوووووووووووووووو حرمتك اللي فاصخه الحياا

وتدخل نوااري الصاله وحمد كان فاتح حلجه يبا يرد عليهم .. لكن مع دخلة نواري خلته يسكت
نواري سمعت حرمتك اللي فاصخه الحياا وعرفت ماكانو يرمسون حد غير حمد اكيد هوو شو نااوي يعرس لاا لايعور قلبي حرام عليه
نواري: شحالكم
الكل : بخير
حمد : وينج نواري مالج حس شحالج وشحال عمتي وشحال معرسنا مع اني امس شايفنه
نواري وهي مستانسه بشوفه حمد : بخير والله ومانشكي بااس المعرس متخبل هاذو موصلني وراح يقولي اريد انزل اقول العروس هب فاضيه تتحنــى
حصووه : ههه زين سويتي فيه قوليله مافيه صبر لين باجر
نواري: وحليله اخوووي مب مصدق انه باجر عرسه
حمد : عقبالج نورة ..
شموه وهي تغمز لنواري وللكل : عقبالك انت ياخوي بنفس يوم نورة
حمد مارد على شمووه وقال موجه رمسته للحنايه : الله يخليج حني هاي ( يأشر على نواري ) عدل لانها تمووت في شي اسمه حنة .. يكمل رمسته بس هالمرة لنواري : وانتي يوم تخلصين حناتج تعاي اريد اشوفهاا
وظهر بدون مايسمع أي رد

نواري: ويا ويهج شمووه احرجتيني سخييييييييييييييفه
شواقه : لو سمحتي جنج سبيتيني وانا مارضــى .. لانه في سبج لشمااني يعني سبيتيني انا
نواري: انتي جب عن اقول لاخوي يهون عنج هههه
شواقه : هاا لا خلااص سبيها قد ماتبين ههههه
شمووه : اسميج ماتستحين ياختي هذا يزاتي الحين تفضلين عبوود علي انا
نواري: عبووود ريلها بيصير وانتي اختها الا
شموه : انا التوووووووومي مالها ويا ويهج لازم ماترضى علي
شواقه : مارضى ياخي مارضى عليج احبج والله لاتزعلين خلاص
شموه : لا زعلت لاتحاولين تراضيني
مريامي : عااد شموه زعلها معروف هاتي لها باكسن ترضى هههه
شموه: ويا ويهج لهالدرجه شايفتني رخيصه تيب لي باكسن .. احم اريد شي اغلــى عن الباسكن

وتدخل شمووس كان سالم تووه منزلنها بيت خالتهاا عسب اتي تتحنى معاهن ..
شواقه : هااذي شمووس الغالي للغالي..
شموه: شموووووووووووووووووس تعالي شوفي كلهم عليي والله حرام
شمووس: يااااااع وااااااااااااك هووووووووب .. ( تسوي حركات كاراتيه ) نشوو عن شمووه ههه
شمووه والكل : ههههههههههههههه
مرياامي : ههه وين نحن
حصووه : شمووس قري لاتخربين عرسي بمصارعتج هااي
شموس : هههه وحليلي اسوي جو عليج حصوو ادري الحين قلبج يرقع
حصوه : هي والله ماحد حس فيني غيرج ااه
نوااري: اووف لهالدرجه اخووي يخوف هههه
مريامي : الا اخووج عسل وحصووه تدري بهالشي (غمزت لحصووه )
نواري: ادري ادري يابعد عمري بس اسويلها سوالف ..

شموه : ياسوالفج انتي يانواري.. متى اخوي ياخذج ويفكنا منج
نواري استحت وقالت بخاطرهاا معقوله كاانو يرمسوون عني قبل مادش لهم

وكملووو سوالف وهن يتحنن ..
لين كل خلصن وراحت كل وحده فيهن يصلن ..
عند عبود في غرفته ..
عبود : احم مشتااق لج واايد يالله اريد اشوفج متى
شواقه : شفيك انت اممم اصبر لباجر
عبود : ماروم ماروم اريد اشووفج تعرفين كم يوم صار لي هب شايفنج ..
شواقه: احم انزين مابقى شي على باجر الا كم ساعه
عبود : تحنيتي ؟
شواقه : هي خلصت كلنا خلصناا الحمدلله
عبود : باجر متى مروحااات الصالون ؟
شواقه : مادري والله بس اكيد من الضحى
عبود : يالله الله يعدي العرس على خيــر .. وان شاء الله نفرح بعرسي وعرسج
شواقه ماردت من المستحــى ..
عبود : هههههه يالله انا بخليج الحين بروح اشوف المعرس ولاتكشخين باجر واايد .. اغااااااار
شواقه: ان شاء الله .. يالله مع السلامه
عبود : مع السلامه

سكر عبود عن شواقه وهوو ميت عليهاا ينطر تخلص فترة عرس حصووه وفيصل ويكلم ابووه يروح يخطب له شواقه

عند البنات ..
حصووه وشماني وشمووس وشواقه يت لهم ومريامي ونواري وحرمة سالم فاطمة وفطيم اخت فارس وشموس وعبير الصغيرة اخت نواري .. يالسين يسولفوون في الصاله مالت قوم بو حمد .. لانه هالوقت الحريم يكونن في بيت العروس ..

يدخلوون حمد وفارس وعبود وفهود وطبعا فيصل محروم لانه حصوه ماتبااه يشوفها قبل العرس.. وكان في الحلاق يتعدل ..
الشباب: السلام عليكم حريم
الكل : وعليكم السلام قربوو قربوو
فطيــم : واااي اخوووي اشوفك غااوي ماحيده عرسك
فارس: هه فديتج اختي ماحد يشوف كشختي الا انتي
مرياامي : لا والله ياولد خالتي الكل يشوف كشختك ماشالله عليك
شواقه: وانا اوفق راي اختي مرياامي ..
والكل يطالع فاارس وهو شاق حلجه
حمد : هاا فرووس من ورانا تكشخ وتتعدل ..
فارس: وعينه صوب شماا: لا والله لا من وراك ولا شيااته .. بس تعرف دومي كاشخ والكل يمووت في كشختي
شمووه ويا ويهك خقاق اونه الكل يموت على كشختي امحــــــــــق انا اكشخ عنك طبعا دار هالكلام في خاطرهاا
وفي الصوب الثاني عبود يطالع شواقه ويسوي لها حركاات .. وشواقه ميته مستحــى لانه هي في الفون ترمس وعادي لكن فيس تو فيس تستحــي.. وماتروم تفج حلجها ويااه ..

فارس: ها حمد باجر بدخلوني العرس والا ؟؟
حمد : أكيــد بندخلك شوو نخليك بروحك بره مايصير
فارس: ها العروس راضيه ..
حصووه وهي مستحيه : هيه عاادي افا عليك ..
فارس: ياحيي عيل بكشخ عدل ..
فطيم : لمنووو ان شاء الله بتكشخ بس عسب انك بدش صوب الحرماات .. هيه ادريبك تكشخ للبنات
فارس يضحك ويطالع صوب شما: ههههه لا والله ماكشخ للبنات الا البنات يكشخون لي
شمووه عدااال اونه النبات يكشخون لي في خاطرها تقول ..
شواقه : هيه ولد خالتي انا اشهد انه البنات يكشخن لك
شموه تقول بخاطرها ويا ويهها هاي بعد اونه هيه ولد خالتي ننه ننه ننه
شمووس : فديتك اخووي والله انك جميل
عبود : وانا وين رحت ليش ماحد يمدحني ..
نواري: حبيبي انت كفايه اني انا امدحك شو تبا بالغير
عبود : تسلمين اختي ..
حمد : وانا منو يمدحني ويطالع نوااري .. لكن نواري تلف ويهها عنه وتقول في خاطرها اممم ها شو بلاه علي شكله بده يحس فيني اااه يا حمد فديتك والله ..
شواقه : حمد حمد انا بمدحك ..
شموه : لا لا انا بمدحك
شواقه : انا يعني انا اخوووي
شمووه : اخووي انا بعد يالمينونه شفيج
مرياامي : سكتي لا انتي ولاهي انا
الكل : ههههههههههههه عاشت مريم ..

ومن بعد هاليمعه الحلــوة ..
كل واحد اتوكل صوب بيتــه .. مستعد لباجر يوم العرس..

حصووه ميته رعبه من العرس .. وفيصل مستاانس حده ويقول متى يصير باجر وشكله ماراح يناام .. البنات ينطرن العرس عسب يكشخن وعسب يفرحن في حصوه وفي فيصل والشباب نفسهن .. اما الشياب والعيايز .. فودهم يفرحوون في عرص حصوه وفيصل لانه من زماان ماصار عندهم عرس ..

وكل واحد سلم نفسه للرقـــاد .. الا انساان مايروم يرقد .. منو هووو ؟؟.. فارس.. هيه نعم فاارس..

فارس يطالع السقف ويقووول يالله شو هالدنيا اممم حصووه كبري وباجر عرسها ومرياامي اصغر عني والحين بيي نصيبها ونواري شكلها بعد قبلي وانا للحين يالس .. ااممم مادري متى تحس فيني .. متى تحبني .. اخااف اخطبها وترفضني .. ماعرف شو اسوي مااعرف.. ااااااااااااااه شماا شمااااااااا احبج ياشمه وانا فارس اللي عمري ماسلمت قلبي لبنت بس سلمته لج احبج احبج ..

وانتهــى يوم فارس في يوم غفــى عن افكااره هااي ..

عم الهدووء في بيت كل من بو حمد وبو فيصل وبوسالم وبيت اليد ..




ان شا الله تعيبكم القصه .. واتريا ردودكم

يسلمووووووووو خيتوووو ع الموضووووع او القصه



هلكت من القراايه


ونتريا منج اليديد