افتراضي ثلآثْ أيَّامْ .. تِطْعَنِّي وأنا أشِيلِـكْ علـى كتفـي ..!!

أجي مِسْرع إلى ذاك المطار , ويرتبـك نصفـي ..

ونصفي الثاني يتسائل عَن اللِّي صار و.. أخطائـي

تروح شلون عَنْ عيني .. وتبدِّل قوِّتي ب ضعفي !!

ولا به شي يستاهل عشانـه .. تبـدي إيذائـي ..

( مسافر ) دُونْ ما أدري وحِزني داخِلـي مخفـي

أبيك الحيـن مـو باكـر تِحلِّـقْ فـوق أجوائـي

مطار القلب يتحـرى رجوعِـك , غيبتِـك تكفـي

أبكتب لِكْ ولا أقـدر علـى .. التعبيـر وإملائـي

غيابك ما رحَم حالـي وحرفـي آآآه يـا حرفـي

تلعثمت , وعجزت آخذ في وقـت البُعـد إجرائـي

أنا كلِّي عَطَـشْ ضامـي أعيـش بغيبتِـك حتفـي

لأنك ساعة الضيقـه هـواي , وبالعَطَـش مائـي

أحبك يا [ وَطَنْ ] غالي عَليْ وحَضْرتِي " منفي " ..!

كفايـه لا تِشتِّتْنِـي تعـال .. وجَمِّـعْ أشيائـي !!

وَطَنْ شنهو وَِطَنْ .. إلاَّ عُيونِكْ في لُغة وصفـي ..؟

غريبه شلونْ تتركْني .. وإنت بداخلْ ( أحشائي ) !

( ثلاثْ أيَّـامْ ) تهجرنـي ولا بيَّنـتْ لِـكْ نزفـي

ودُواي اللِّي تِكاثرْتَـه عَلـيْ وصِـرتْ لِـي دائـي

( ثلاثْ أيَّامْ ) ما نامَت عيوني وما قِدَرتْ أغفـي !!

لي الله كِلْ ما حُولـي غريـبْ وعَالَمِـي .. نائـي

( ثلاثْ أيَّامْ )وأنـوار المدينـه يـا الغـلا تطفـي

وتِعِمْ الظَّلمَه في قلب الشـوارع وأفقِـدْ أضوائـي

تِصَدِّق حتَّى بسماتـي .. أهَلِّـي فِيهـا وتِقفِّـي !

تعال ولَمْلِـمْ جُروحـي ورَتِّـبْ فُوضَـة أجزائـي

يجيني الجَرَحْ مِنْ إيدكْ .. وأصْفِـقْ كَفِّـي بكفِّـي

أعَزْ أحبابي يطعَنِّي ويـداوي الطَّعْنَـه أعدائـي !!

( ثلاثْ أيَّامْ ) تِطْعَنِّي وأنا أشِيلِـكْ علـى كتفـي ..

كأنْهَا طَعنِتِكْ " ضِيفٍ " وقلبي ..... حَاتِمْ الطائي !!

يسلمو الغاليه على الشعر وصح لسانج

نتريا اليديد

ثنكـووسي خيـوو ع أألمـرووور أأللـي أأسعـدنـي ..^^..~

يسلمووو عالقصيده

الله يعطيج الف عافيه..

ثنكوووسي خيووو ع أألمرووووور ..~

يسلمؤؤؤؤ يأأأدميره ع القصيده ولاهنتي

وربي يعطيجـ 1000عأأأفيهـ

بأأأأنتظأأأر يديدجـ...

ثنكـووسي ع أألمروور أأللي أأسعـدنـي ..~

يسلموو..حبوبه..ع الكلمات الغاويه..

وصح لسانج..

ونترقب المزيد..منج..

تقبلي مروري..

يسلمو الغاليه على الشعر وصح لسانج

نتريا اليديد